去旅行梗係想釋放壓力 7個小貼士幫你達成心願

去旅行梗係想釋放壓力 7個小貼士幫你達成心願


無論老闆、打工仔、家庭主婦定係學生哥,去旅行都係一件賞心樂事。可以暫時脫離緊張繁忙的生活,盡情地吃喝玩樂,有邊個唔想?但其實旅行唔一定可以釋放壓力,如果安排不當,可能目的地都未到,壓力指數就爆煲了!想旅程有美好開始?一齊嚟睇睇以下7個外遊小貼士吧。

1.提早報到

如果你習慣起飛前1個鐘到機場,就難怪次次去旅行都咁緊張啦!試下預早3個鐘到步,咁樣就算遲咗出門、遇上塞車或其他突發事件都唔洗心掛掛。難得去一次旅行,提早一啲出門又會有咩損失呢?如果早咗到,咪坐低嘆杯咖啡,睇下雜誌,為旅程準備一下囉。記住,旅行係為咗釋放壓力,點都要以輕鬆寫意為至上。

2.輕裝出行

輕便就係輕鬆,如果你的行程少於一星期,就揹背囊好了(想瘋狂shopping就另計..)。咁做可以省去排隊寄附行李時間,到了機場便可自行辦理登記,然後直接過安檢,簡單快捷。行李太多,左一件右一件的話,又要擔心上咗機唔夠位放,為乜呢!

同埋,真實重量就係壓力!冇人鍾意拖住沉重的行李四圍走,特別係轉酒店,帶住行李穿街過巷的時候,你會覺得自己似搬運工人多啲!咁樣又點釋放壓力呀?下次出行之前,試下帶少啲嘢,你會覺得自己行步路都醒神啲架!

3.網上預辦登機

今時今日仲唔用電話搞掂,會唔會有啲落後呢?想避開櫃枱前長長的人龍,就要善用科技,出發前網上預辦登機,然後印埋登機證或將它下載到手機。到咗機場後,直接前往安檢,省卻大量時間。


图片2-46
圖/摘自Swiss

4.快速通關

想快速通過香港機場的安檢,就要有「禮遇通道」的票卷。孕婦、65歲或以上長者以及與嬰兒同行的人士都可享用禮遇通道,還可和另一名隨行人士一起快速通關。符合條件的話,記得申請啊!
如果你係航空公司會員或者買咗乘頭等或商務機票,一樣可以享用禮遇通道,條件當然係大量的飛行里數或昂貴的機票啦!

5.做足準備

排隊等安檢的時候,不要無所事事。提早做好準備,可以加快通關速度。除了確保沒有違禁物品,還要肯定行李內所有液體物品都不超過100毫升,而且全部放在一個透明膠袋內。另外就係將電腦、手機和所有金屬物品拿出來,方便檢查,也讓你能順利通過金屬探測門。

做足準備
圖/摘自Hong Kong Airlines
6.貴賓室唞唞

要讓機場成為釋放壓力的地方,又點可以唔提貴賓室。如果你做足以上咁多點,一定仲有大把時間等起飛。依個時候,只要走進貴賓室,就可以立刻遠離機場的煩囂,在舒適的沙發上,一邊享用美食和飲品,一邊上網或睇雜誌,寫意地等待上機。

要免費享用香港機場的環亞機場貴賓室(Plaza Premium Lounge),除了選乘頭等或商務艙,你也可申請成為指定信用卡的用戶,包括滙豐銀聯雙幣鑽石信用卡、美國運通的國泰航空尊尚信用卡或國泰航空信用卡。

7.自備隨身包

上機前,先打包好在機上要用的所有物品,例如耳筒、手機、平板電腦、充電線、零食、衛生用品和個人藥物等(隨意加減)。咁樣,在機上安頓好手提行李之後,就可以安心坐下來,唔洗再反覆打開行李啦。

index-icon