年年驗眼近視度數都增加? 5招控制兒童近視加深

年年驗眼近視度數都增加?5招控制兒童近視加深

兒童近視度數會隨著年齡增長而增加,到長大發育完成後才穩定落嚟,所以家長必須帶子女定期驗眼,留意兒童近視加深的速度,如果近視度數突然急速增加,便需要即時帶子女到眼科醫生作詳細檢查,把握兒童近視控制黃金期。今次就同大家分享5個方法幫助減緩兒童近視加深情況。

第1招:減少接觸電子螢幕產品

長時間對住電子螢幕產品是兒童近視嘅主要元兇,眼睛肌肉長期收縮,若果到咗睇遠嘢都放鬆唔到,就會形成「假近視」。初時「假近視」係短暫,休息之後就會回復正常視力,但如果無好好休息,就會好易變成「真近視」。 所以每使用30分鐘就要提提小朋友放低電子產品,望望遠景,畀雙眼好好休息,以免近視進一步加深,當然最治本嘅方法都係縮短小朋友用使電子螢幕產品嘅時間!

5招控制兒童近視加深1-1

圖/Freepik


第2招:坐姿要正確

趴住或者太近睇嘢會影響眼外肌肉嘅協調控制,加上長時間近距離睇書或者做功課會令眼睛處於繃緊狀態,容易令雙眼疲倦,亦會令近視加深。所以要特別注意兒童嘅坐姿,一般嚟講,坐直之後同書本預留一個直角手位嘅距離就最理想。

5招控制兒童近視加深2


第3招:適當戶外活動

適當增加戶外活動對兒童控制近視有莫大好處。例如,兒童花多點時間在戶外活動,看遠物和綠色事物時間相對增加,就等於減少近距離觀看書本、電視、手機等,從而控制近視加深。據澳洲當地研究顯示,兒童每星期多出一小時的戶外活動,近視機率就減低2%,兒童每年最高可減緩近視幅度達25度!

5招控制兒童近視加深3-1

圖/freepik


第4招:20-20-20護眼法則

近視其中一個主要原因是眼睛持續過度緊張,因此必須讓眼睛休息,減少看電子產品時間。建議家長緊記20-20-20護眼法則,兒童每20分鐘,就應該把視線望向20呎以外的事物,讓眼睛放鬆20秒,可以有效改善眼睛疲勞。

5招控制兒童近視加深4

圖/juststand


第5招:盡早為子女選擇合適的近視控制方法

現時坊間常見的兒童近視控制方法有三種,分別是OK鏡、DIMS眼鏡鏡片及阿托品眼藥水。

OK鏡是在夜晚睡覺時佩戴的,透過壓力令角膜形狀改變弧度,使影像焦點剛好落在視網膜上,當除下OK鏡後,因角膜弧度改變,能減輕小朋友近視症狀,讓兒童在日間不用佩戴眼鏡。DIMS眼鏡鏡片是通過光學離焦從而抑制眼球長度增長,從而達到控制近視加深的效果。

阿托品眼藥水需要由眼科醫生經過診斷方可處方給近視兒童,其原理是通過滴眼藥水的方式,減慢眼球拉長的速度,從而有效減緩小朋友近視加深的速度,而且使用方法簡單方便,只要每晚在眼晴滴一滴,就能幫助控制兒童近視加深,中大的臨床研究亦證實阿托品眼藥水有效減少兒童近視增長接近70%。

唔想小朋友變「大近視」就要時刻緊記以上五個小貼士,仲要定期帶小朋友去做眼睛檢查呀!

5招控制兒童近視加深5

圖/med.cuhk

#健康#兒童#眼睛#兒童近視#近視控制
index-icon