【皇牌級產品推介】Chantecaille保濕粉底|打造精緻無瑕偽素顏

【皇牌級產品推介】Chantecaille保濕粉底|打造精緻無瑕偽素顏

化妝可以令人望落去醒神啲,但豔妝濃抹的誇張化妝風格,這幾年在美妝界幾乎絕跡,繼而興起的是偽素顏妝容。想化出一個自然妝容,就等小編為你介紹偽素顏必備產品──Chantecaille保濕粉底Just Skin Tinted Moisturizer,用完真係好似冇化妝咁,返唔到轉頭!

素顏必備產品

何謂偽素顏妝?

所謂「偽素顏」妝,顧名思義就係化咗好似冇化妝咁,畀人一種天生麗質嘅感覺。要化出「偽素顏」妝,我們一般都只會用自然透薄嘅保濕粉底、眉筆和唇膏,摒棄sharp醒嘅眼影同胭脂,越簡單越好!Chantecaille保濕粉底呢款產品就完全符合「偽素顏」妝嘅要求!

何謂偽素顏妝

Chantecaille粉底Just Skin Tinted Moisturizer

小編覺得Chantecaille產品一向都係品質嘅保證,唔少朋友都有用緊,今次呢款Chantecaille粉底集三大功能於一身,包括:防曬霜、保濕霜及粉底,一支有咁多種功能,真係好方便,唔洗日日搽幾樣嘢上面,啱晒懶人用!

粉底功能

首先講下Chantecaille呢款產品嘅粉底產品嘅功能先啦,佢搽上皮膚十分貼薄,唔好「厚粉」嘅感覺,非常自然,可以修飾肌膚瑕疵,一般嘅色斑、痘印都遮到,呢款保濕粉底有7隻顏色,適合不同肌膚,男女都啱用架!

粉底功能

保濕功能

相信大家秋冬季化底妝嘅時候都遇到有一個問題,就係皮膚乾嘅時候啲粉會卡到一撻撻,唔均勻。作為Chantecaille嘅皇牌產品,呢款粉底嘅保濕功能完全冇令小編失望,佢含有玻尿酸鈉成份,可以提升肌膚水潤度,用完真係全日都咁水潤!仲有獨特嘅百里香同蝴蝶灌木萃取,可以幫肌膚抗氧化!

保濕功能

防曬功能

跟住就想特別介紹下呢支Chantecaille保濕粉底嘅防曬功能,唔少女仔都好怕曬黑,每日上妝之前都要搽防曬打底,步驟繁複就不在話下,小編最怕就係防曬嗰種痴立立嘅感覺!Chantecaille保濕粉底蘊含物理性二氧化鈦防曬成分同SPF15防曬系數,唔單止有效提供防曬保護,質感仲柔滑輕盈,粉底防曬一支搞掂晒!

防曬功能

不經動物測試

小編自己本身都有養狗狗,見到啲化妝品牌成日用動物做測試真係好心痛。Chantecaille產品絕不經動物測試,仲不含鄰苯二甲酸酯類、人造香料,以及對羥基苯甲酸酯,絕對係小編推薦呢款保濕粉底的一大原因。

使用方法

大部分Chantecaille產品嘅使用方法都非常簡單,就算你係化妝新手一樣可以輕鬆駕馭。用手指尖或者粉底掃沾少少Chantecaille粉底,之後塗勻全臉就得。提提大家,如果有膚色不均或者泛紅情況,可以額外多再搽多一層,遮瑕效果會更佳~

#Chantecaille#粉底#保濕#防曬霜#保濕霜
index-icon