【初生嬰兒奶粉推薦】三個揀HMO奶粉要點！ XX美素佳兒好唔好實測報告（第一篇）

近排不停睇啲初生嬰兒奶粉推薦post，因為我發現我個小王子腸胃好似差咗，有時連續幾日冇便便，晚晚喊醒，我翻工又差唔多日日要OT，真係心力交瘁。加埋我收工翻到屋企，喺外面接觸咁多人，成身菌。大家都明啦，疫情又未穩定得曬，小王子又得幾個月大，我好驚佢免疫力唔夠，有時候唔自己全身消毒過都唔敢抱佢。我見網上啲人話HMO奶粉對BB腸胃好，又可以增強BB免疫力，心郁郁想俾小王子試下。好多大牌子嘅奶粉都話自己有HMO，好似雅X，美X臣，ＸＸ美素佳兒好唔好，我真係唔知道，唔通隻隻都試下佢咩？唯有揀隻最啱自己需求嘅來試。

好老實咁講，開始嘅時候我都唔知HMO奶粉有幾好，但佢近期好hit，搵「初生嬰兒奶粉推薦」，一定會出現HMO奶粉相關嘅推薦文。我自己又餵唔到人奶，為咗小王子，我唯有再做多啲research啦。查咗勁多資料，連醫生都Consult埋，對於點揀HMO奶粉，我總結咗幾點。

嘜嘢係HMO奶粉？HMO含量越高就越好？

其實所謂的HMO奶粉是指蘊含母乳低聚糖HMO的嬰兒配方奶粉。好多牌子嘅奶粉都標榜自己HMO含量有幾咁高，對BB免疫力幾有幫助。但事實上，如果奶粉只係HMO高，冇其它營養配合，對增強BB免疫力係唔足夠嘅。精明嘅父母一定要揀啲會加入低聚半乳糖GOS的配方奶粉，有HMO加GOS免疫組合嘅奶粉先會幫BB維持上呼吸道健康，減少達67%上呼吸道感染，從外在保護BB。另外，HMO可以為腸道嘅益生菌提供養分，有助支持BB腸道健康。BB腸道問題少啲，夜晚就唔會喊啦，睡眠充足，BB免疫力自然高。

要揀奶粉原料為液態全脂牛奶嘅HMO奶粉

依一點我都係做咗research先知道有幾重要。原來市面上有啲HMO奶粉係用固體奶粉製成，要經過兩次或以上的人工轉化，過程中會大幅改變奶粉中蛋白質結構，過多嘅加工導致奶粉變得好熱氣，BB食咗會容易有便秘，肚仔唔舒服，就有機會成晚喊。

但如果HMO奶粉嘅原料係液態全脂牛奶，只需經過一次必要性適溫處理，完美保留液態全脂牛奶嘅天然營養成份，包括sn-2 Palmitate、Phospholipids、MCFA及SCFA等，營養接近原乳，支持BB吸收天然乳脂營養。天然sn-2 Palmitate容易跟鈣一齊被身體吸收，有助減少鈣皂形成，BB腸道就可以更健康，從內在增強BB原乳免疫力，給予BB天然嘅內在守護。

奶粉嘅味道要天然要清淡

講到明係「初生嬰兒奶粉推薦」，BB腸胃咁幼嫩，揀奶粉緊係要小心。最驚有啲HMO奶粉為咗味道好啲，加好多雲呢拿香精同糖落去，搞到BB一飲淡啲嘅嘢，好似水，就唔肯飲多兩啖。如果養成唔好的飲食習慣，對BB健康有影響之餘，父母仲要用好長時間先可以幫BB戒甜。所以父母記得幫BB選擇HMO奶粉時，要揀味道清淡天然，唔加任何蔗糖同香料嘅奶粉。

最後分享下我到底揀咗邊隻奶粉，其實最後我揀咗XX美素佳兒，因為我睇佢嘅官方資料，基本上都符合我research出嚟嘅優質HMO奶粉條件。如果問我美素佳兒好唔好，我暫時未有結論。小王子食咗一個月鬆啲，似乎冇咩大問題，不過肯定便便有靚咗。等小王子再食多幾個月，到時我再出篇文來share美素佳兒好唔好啦!

*本文章有關HMO奶粉的內容均屬個人意見，並不代表任何品牌（公司）與本網站言論或立場。若幼兒腸胃長期感到不適，宜請教醫生意見。

圖片來源：shutterstock

  #新手媽媽#嬰兒#奶粉